Fley þetta er smíðað árið 2000 í Simek skipasmíðastöðinni í Flekkefjord, Noregi. Fékk það nafnið Lunar Bow og var eigandinn Lunar Fishing Co., Peterhead, Skotlandi.
Skipið sem er bæði útbúinn á troll-, og nótaveiðar er 61,2 metrar á lengd og 13,2 metrar á breidd, 1519 GT, 507 NT og 2070 DWT svona til að hafa allar tölur á hreinu.
Aðalvél skipsins er ættuð frá Finnlandi og nefnist Wärtsila 12V32 fullu nafni. Nær hún á góðum degi að framleiða 5520 kW eða 7500 hestöfl.
Lestar skipsins bera fullstappaðar um 1540 rúmmetra sem deilast svolítið óeigingjarnt á 9 tanka sem allir eru búnir RSW kælikerfi með afkastagetu upp á 2 x 65o.ooo kcal/h.
Svefnpláss um borð er í 15 kojum og svo er pláss fyrir 3 með góðu móti í setustofunni og hefur það pláss nokkrum sinnum verið nýtt. Áhöfn skipsins er 13 - 15 menn og ættu því allir að hafa sína koju.
